Panibagong Pahatiran Sa Inyong Magulang na OFW
(New ways of communicating with your OFW parents)
Ang pag-uusap ng mag-ina o mag-ama ay madalang nagiging “one way street” lamang. Maslalo na kung nag-uusap sa telefono at nasa abroad ang magulang. Mayroong mga anak ng OFW na nagsasabi na hindi na raw sila naeenganyong makipagsalita sa kanilang magulang sapagka’t pare-pareho na lang ang kanilang pinag-uusapan. Puro na lang tanong ng magulang at ang papel daw nilang mga anak ay sumagot na lang ng “opo”. Nahihirapan daw silang mag tanong sapagka’t kailangan nila ng “bwelo” bago makapagumpisa ng usapan na gusto nilang mangyari. Nguni’t pagka nakabwelo na sila, tapos na ang opportunidad at nag papaalam na silang mag-anak.
Para sa mga batang mapalad na mayroong ama o inang nakakausap ng harapan, mahirap pa rin simulan ang gusto nilang pag-usapan. Unang una, mayroon ditong kaunting kahinaan ng loob, maslalo na kung ang gustong pag-usapan ay isang temang alanganin. Many teen-agers have commented that when they attempt to talk to their father or mother about, for example, a “crush”, nahahalata nila agad ang pagbabago ng espresyon ng mukha ng kanilang magulang. Sabi ng isa, “nangangasim ang mukha ng tatay!” Pag-nakita na ito, hindi na matutuloy ang usapan.
Makakatulong ba kaya ang texting at messaging sa mga kabataan sa pakikipagusap nila sa kanilang mga magulang? May mga sikolohistang Americanong naniniwala na ang kumunikasyon ng anak sa kanyang mga magulang ay natutulungan ng “electronic messaging” sapagkat ito daw ay nakakatulong gibain ang ilan sa mga hadlang nang kumunikasyon na ito.
Kabisado ng kabataan ngayon ang takbo ng texting at messaging. Pwede nating sabihin na teritoryo ito ninyong mga kabataan. Dahil dito, maginhawa kayo sa paggamit at pagpalakad ng teknolohiyang ito. This is your environment, so it is easier for you to take the lead, maybe talk about things you could never talk about face-to-face with your parents . Isa sa mga advantages ng texting at messaging ay hindi ninyo makikitang nangangasim na ang mukha ng tatay ninyo. Dahil dito mapapatuloy ninyo ang gusto ninyong sabihin.
Maraming ring kayong napapagusapan ng masinsinan sa inyong mga kaibigan o maski hindi kilala, kung madalas kayo mag-chat sa internet. Maraming masasabi sa chat na sa pangkaraniwan hindi ninyo masasabi pag nakaharap ang kausap. Itong pagiging, ika nga anonimo, ay isa sa mga pinakamalakas na rason bakit naaakit ang mga teenager at marami pang iba, sa world wide web. Gamitin ninyo itong opportunidad na ito, na magsalita galing sa inyong "comfort zone", upang maki pag-usap na masinsinan sa inyong mga magulang, lalo na kung sila ay malayo sa inyo.
Mayroon pang ibang pakikinabang ang electronic messaging. Sa pag chat over the internet, may control din kayo, kasi kung hindi ninyo gusto ang takbo ng tanong o usapan, maari ninyong palipasan ng panahon bago sagutin o ipatuloy. Sa ganitong paraan naiiwasan ang pagiging over emotional, at dahil dito, naiiwasan ang paglusong ng usapan sa away. Sa texting at messaging, maski “instant” ang tawag dito, sa katutuhanan ay may panahon kayong mag-buo at mag-ayos nang gusto ninyong sabihin. Sa ganitong paraan, makaka-iwas kayo ng mga salitang nakakasakit, mga salitang hindi mababawi pag-nasabi na.
Siyempre mayroon ding pagkulang at piligro ang “cyber communication” (pag-uusapan natin ito sa darating na panahon), nguni’t malaki ang tulong nito parang maumpisahan ang usapan ninyong mag-ama o mag-ina. At kung naumpisahan na ninyo ito, baka gulatin kayo ng inyong mga magulang at pahaba ng pahaba ang pag-uusap ninyo. Baka maging “texting buddies” and “online friends” na kayo!
